MANILA, Philippines – Humingi ng tawad si Quezon City Rep. Bong Suntay sa aktres na si Anne Curtis kung nasaktan ito sa kanyang sinabi na wala umanong malisya at intensyon na saktan ang aktres.
“While there may have been people who found the analogy in bad taste, to those who were offended, I repeat, there was no malice in what we intended to convey in that statement. We did not mean to hurt anyone through that analogy. But if anyone was hurt, we ask for forgiveness,” pahayag ni Suntay.
“To Ms. Anne Curtis as well, if she was hurt by what was said, I reiterate that there was no malice intended, and we apologize to her. The situation I described was fictitious. The only thing that was true there was when I said that she is very beautiful,” dagdag pa nito.
Depensa ni Suntay ang kanyang naging pahayag ay para lamang bigyang diin ang kanyang argumento sa isinasagawang impeachment hearing.
“The video showed Vice President Sara, and one of the allegations being used for the impeachment is her supposed desire and imagination to inflict harm. As I said, desire and imagination are not impeachable offenses,” paliwanag nito.
“I stand by my statement. That analogy was used to prove that statements are oftentimes taken out of context. I regret that some women were hurt because that was never the intention of my statement,” giit pa ng mambabatas.
Sa naging pagdinig kamakalawa ay nagdesisyon ang House Committee on Justice na tanggalin sa record ng impeachment proceeding ang tila malisyosong naging pahayag ni Suntay na nagsabing “nag-imagine” ito nang makita sa isang hotel ang aktres na si Anne Curtis.
Sa pagtalakay ng komite sa ikatlong impeachment complaint ay ipinunto ni Suntay na walang political destabilization o sedition nang nang sabihin ni Vice President Sara Duterte na sya ay “designated survivor”.
“You know, ‘yung statement being the ‘designated survivor,’ it’s not illegal, it’s not criminal. In fact, it’s a process in the United States,” paliwanag ni Suntay.
“Mere utterance na I’m designating myself… in fact, hindi nga puwede ‘yon eh. Can you designate yourself without a process Sinabi lang niya ‘yon, siguro nagpapatawa lang siya,” dagdag nito.
Upang lalong ipaliwanag ang kanyang punto ay ikinuwento nito na minsang nyang nakita si Curtis sa Shangrila Hotel.
“Alam niyo minsan…nakita ko si Anne Curtis, ang ganda-ganda pala niya. You know, may desire sa loob ko na, nag-init talaga, na-imagine ko na lang kung ano’ng pwedeng mangyari pero syempre hanggang imagination na lang ‘yon. Pero ‘di naman siguro ako pwedeng kasuhan kung ano ang na-imagine ko eh,” sambit ni Suntay.
Hindi naman pinalampas ng mga kapwa mambabatas ang pahayag ni Suntay at agad na nagmosyon si San Juan Rep Ysabel Maria Zamora na alisin sa record ang mga pinagsasabi ng mambabatas. Gail Mendoza
