MANILA, Philippines – Nanawagan si Mamayang Liberal Party-list Rep. Leila de Lima kay Pangulong Marcos na patunayan na hindi “substandard na paputok” ang kanyang kampanya laban sa katiwalian.
“It is definitely expected of us, especially in government, to take a stronger stance against corruption and to ensure that the big fish… do not go unpunished,” ani De Lima.
Binatikos niya ang pagkaantala sa aksyon laban sa anomalous na proyekto sa imprastruktura at iminungkahi na gawing New Year’s Resolution ng Pangulo ang agarang pag-certify ng mahahalagang batas laban sa katiwalian.
“Pag ganyan nang ganyan ang Pangulo, para siyang substandard na paputok. Nagpasabog pero supot,” dagdag niya.
Kabilang sa mga batas na nais iprioritize ni De Lima ang Independent Commission Against Infrastructure Corruption (ICAIC) Law, tunay na Anti-Political Dynasty Law, at Anti-Illicit Enrichment at Anti-Illicit Transfer Law, na aniya ay magpapatibay sa laban kontra katiwalian. RNT
