MANILA, Philippines- Natukoy na ng mga awtoridad ang mga suspek sa pagdukot at pagdukot kay Anson Que (kilala rin bilang Anson Tan) at kanyang driver na si Armanie Pabillo, ipinahiwatig ni Philippine National Police chief Police General Rommel Marbil nitong Biyernes.
Ayon sa ulat, ipinagbigay-alam na sa Bureau of Immigration ang pagkakakilanlan nila upang mapigilan silang makaalis ng bansa.
“We can arrest some people right now but we can’t get the mastermind. We want the mastermind,” ani Marbil.
Sinabi ng PNP na lumabas sa imbestigasyon noong nawawala pa lamang sina Que at Pabillo na higit pa sa kaso ng kidnap-for-ransom ang insidente.
“We are sharing notes what happened sabi ko nga may malaki kasing twist e. Hanggang doon lang muna ako,” wika ni Marbil.
Tumugon naman si Justice Secretary Jesus Crispin Remulla sa isang ulat na isang POGO syndicate ang pumaslang kay Que dahil sa hindi nabayarang utang.
“We are aware of this theory or this piece of news and we actually have more information about it but we don’t want to divulge everything in media we need to operate quietly,” ani Remulla.
Natagpuan ang mga bangkay ng mga biktima sa Rodriguez, Rizal noong April 9.
Lumabas sa video na iniwan ang itim na van kung saan huli silang nakitang buhay sa Seminary Road sa Barangay Toro, Quezon City noong gabi ng March 29.
