MANILA, Philippines- Nasunog ang isang itim na SUV habang tinatahak ang kahabaan ng northbound lane ng EDSA, Ortigas nitong Huwebes, base sa Metropolitan Manila Development Authority (MMDA).
Ayon sa ahensya, naganap ang insidente ng alas-9:10 ng umaga na saklaw ang isang lane ng kalsada, na nagdulot ng mabigat na daloy ng trapiko.
Nagdeklara na ang Bureau of Fire Protection (BFP) ng fire out at kasalukuyang iniimbestigahan ang mitsa ng pagliyab.
Samantala, naiulat na ligtas ang driver ng sasakyan at kasalukuyang sumasailalim sa medical examinations.
Pinayuhan ng MMDA ang mga motorista na dumaan sa mga alternatibong ruta. RNT/SA
