MANILA, Philippines – Alinsunod sa utos ni Pangulong Ferdinand Marcos Jr., ipinagpaliban ng Department of Transportation (DOTr) ang dagdag-pasahe sa public utility vehicles (PUV) habang patuloy ang oil crisis dulot ng tensyon sa Middle East.
Ayon sa DOTr, saklaw nito ang lahat ng land transport PUV tulad ng jeepney (traditional at modern), bus (city, provincial, at P2P), TNVS, at airport taxi. Nilinaw na ang suspensyon ay para lamang sa land transport.
Sa halip, magpapatupad ang DOTr ng mga programang tulong gaya ng libreng sakay, diskwento sa toll, at fare discounts sa tren sa Metro Manila.
Dagdag pa, pinapabilis ang pamamahagi ng fuel subsidies at cash assistance para sa mga tsuper at operator.
Ayon kay LTFRB chairperson Vigor Mendoza III, sisimulan ang distribusyon ng fuel subsidy sa susunod na linggo, bukod pa sa tulong mula sa DSWD. RNT/MND
