MANILA, Philippines- Ipinanawagan ng isang mambabatas ang isang congressional inquiry sa “sudden and drastic” na pagtaas ng presyo ng kamatis, na iniulat na umabot na sa P360 kada kilo sa Metro Manila.
Inihain ni Agri Rep. Wilbert Lee ang House Resolution No. 2158, na nagtutulak sa House committee na tukuyin ang posibleng papel ng price manipulators, hoarders, at cartels sa “artificial tomato crisis.”
“There is a need to take decisive action and measures from the government to protect our consumers as well as the livelihood of Filipino farmers through stricter and serious enforcement of laws, which the inquiry must ascertain and realize,” giit ni Lee.
Nauna nang sinabi ng Department of Agriculture (DA) na ibinebenta ang kamatis mula P200 kada kilo hanggang P360 kada kilo sa mga pamilihan sa Metro Manila. Iniugnay nito ang taas-presyo sa kakulangan ng local supply dahil sa serye ng mga bagyo na tumama sa bansa noong nakaraang taon. RNT/SA