MANILA, Philippines – Inulan ng batikos ng netizens sa iba’t-ibang social media platform ang isang motorcycle taxi company dahil sa umano’y tumataas na bilang ng mga naitalang aksidente kung saan sangkot ang mga rider nito.
Kasabay ng mga batikos ay ang panawagan sa pamunuan ng Move It na paghusayin nito ang kanilang training sa kanilang mga rider.
Isa pa sa ipinunto ng netizen ang dapat na pagbibigay ng kompanya ng patas na sahod at benepisyo sa mga rider nito para ayusin nila o pagbutihin ang kanilang trabaho.
“Hindi na ba talaga mapigilan ’yung araw-araw na lang na aksidente? Kawawa naman mga pasahero niyo kung inaraw-araw niyo na yan,” saad sa isang komento.