MANILA, Philippines – Balik na sa serbisyo si dating Public Works and Highways Secretary Rogelio “Babes” Singson, na nagsilbi ng anim na taong termino mula 2010 hanggang 2016, matapos maitalaga na isa sa tatlong miyembro ng bagong buong Independent Commission for Infrastructure (ICI).
Ang ICI ay isang independent commission na bubusisi sa maanomalyang flood control projects sa bansa.
Inanunsyo ni Palace press officer Claire Castro nitong Sabado ng hapon, Setyembre 13 ang pagkakatalaga kay Singson at sa dalawa iba pa.
Ani Castro, si Singson “led one of the most significant reform efforts in the agency’s history, introducing systems to promote transparency, eliminate ghost projects, and ensure proper use of public funds.”
“He also served as head of the Bases Conversion and Development Authority, where he managed large-scale land and infrastructure development,” idinetalye pa ni Castro.
“His technical understanding of how projects are designed, procured, and implemented will be essential to this Commission’s work,” dagdag pa.
Kasalukuyan, si Singson ay umuupong presidente at chief executive officer (CEO) ng Metro Pacific Water at Metro Pacific Tollways Corporation.
Nakita sa kanyang profile na si Singson ay naging hepe ng Department of Public Works and Highways (DPWH) mula Hulyo 2010 hanggang Hunyo 2016 at nanguna sa Good Governance and Anti-Corruption Program.
Bago nito, pinamunuan din ni Singson ang Maynilad Water Services bilang presidente at CEO sa loob ng tatlong taon.
“Mr. Singson was directly involved in the major projects of SBMA, Clark SEZ & BCDA, including the privatization and development of Bonifacio Global City,” ayon pa sa kanyang profile. RNT/JGC
