MANILA, Philippines – NASA mahigit P1 milyong halaga ng shabu ang nasamsam sa isang umano’y bigtime tulak ng illegal na droga matapos masakote ng pulisya sa isinagawang buy bust operation sa Navotas City.
Sa ulat, nagsagawa ang mga operatiba ng Regional Drug Enforcement Unit (RDEU) ng National Capital Region (NCR) ng buy bust operation sa Brgy. NBBS Kaunlaran kontra sa isang alyas Kosa na sinasabing bigtime tulak ng droga.
Nang tanggapin umano ng suspek ang marked money mula sa isang pulis na nagpanggap na buyer kapalit ng shabu ay agad siyang dinakma ng mga operatiba ng RDEU dakong alas-4:35 ng hapon sa harap ng isang gasolinahan sa nasabing lugar.
Nakumpiska sa suspek ang humigi’t kumulang 150 grams ng hinihinalang shabu na may katumbas halagang P1,020,000 at buy bust money.
Mahaharap ang suspek sa kasong paglabag sa RA 9165 o ang Comprehensive Dangerous Drug Act of 2002. Rene Manahan
