SWAK sa loob ng rehas na bakal ang isang lalaki na sangkot umano sa pagbebenta ng ilegal na droga at armado ng baril matapos madakma ng pulisya sa ikinasang buy bust operation sa Malabon City.
Base kay Malabon Police chief P/Col. Jay Baybayan na nakatanggap ng impormasyon ang mga operatiba ng Station Drug Enforcement Unit (SDEU) hinggil sa umano’y pamamayagpag ng pangalan ni alyas “Demonyo”, 44, sa pagbebenta ng iligal na droga sa lungsod kaya isinailalim nila ito sa validation.
Nang magpositibo ang natanggap na impormasyon ng mga awtoridad agad na nagkasa ang mga operatiba ng SDEU ng buy bust operation makaraang isang pulis ang nagpanggap na buyer ng droga.
Matapos tanggapin ng suspek ang marked money mula sa pulis kapalit ng isang plastic sachet ng shabu ay agad itong inaresto at pinosasan dakong alas-10:30 ng gabi sa P. Aquino Avenue, Brgy. Tonsuya.
Narekober sa suspek ang humigi’tt-kumulang 5.3 gramong ng di-umanoy shabu na may halaga na P36,040 at isang caliber .45 pistol na may isang magazine at kargado ng tatlong bala.
Mahaharap ang suspek sa mga kasong paglabag sa RA 9165 (Comprehensive Dangerous Drug Act of 2002) at RA 10591 (Comprehensive Firearms and Ammunation Regulation Act). (R.A Marquez)
