Tulay bumigay sa Lake Sebu, truck bumulusok

SOUTH COTABATO – Tumagilid ang isang truck matapos bumigay ang tulay na tinatawid nito sa Lake Sebu, South Cotabato nitong Sabado.

May kargang bakal ang truck na nakalaan sana para sa isang gusaling itinatayo sa lugar nang mangyari ang insidente.

Dahil sa pagkasira ng tulay, nahirapan ang mga residenteng dumaraan sa lugar at napilitang tumawid ang ilang motorsiklo sa mababaw na bahagi ng ilog.

Nagsagawa na ng inspeksyon ang provincial engineer bilang bahagi ng paghahanda sa pagkukumpuni ng tulay.

Patuloy namang hinihintay ang karagdagang detalye hinggil sa lawak ng pinsala at iskedyul ng repair works. Mary Anne Sapico