MANILA, Philippines- Pinasalamatan ni Pangulong Ferdinand “Bongbong” Marcos Jr. si outgoing United Nations Resident Coordinator and Humanitarian Coordinator to the Philippines Gustavo González sa tulong niya sa kasagsagan ng COVID-19 pandemic at mga pagsisikap hinggil sa Bangsamoro Autonomous Region in Muslim Mindanao (BARMM).
Inihayag ito ni Marcos sa farewell ceremony sa Malacañang nitong Biyernes, ayon sa ipinalabas na pahayag ng Presidential Communications Office.
“You did so much between the UN and the Philippines,” pahayag ni Marcos.
“I was looking at the time that you were here. There’s a very, very large increase in engagements between the United Nations and the Philippines – specifically COVID, the BARMM,” dagdag ng Pangulo, tinutukoy si Gonzalez.
Bilang tugon, sinabi ni Gonzalez kay Marcos na bukod sa pagbakante ng kanyang pwesto bilang resident coordinator para sa Pilipinas, magreretiro na rin siya sa kanyang serbisyo sa UN.
“Mr. President, thank you so much. I very much appreciate your time but today is also my last day as a UN active officer. So I’m going to retire. No doubt that the Philippines will be in my heart because this is a special moment for me,” aniya.
Nanungkulan si Gonzalez bilang UN Resident Coordinator and Humanitarian Coordinator for the Philippines sa loob ng halos limang taon.
Bago ito, nagsilbi siyang United Nations Development Programme’s Sub-Regional Development Coordinator para sa Syria-related crisis, namamahala sa mga operasyon sa Egypt, Iraq, Lebanon, Jordan, Syria, at Turkey. RNT/SA