MULING nabigyan ng pagkakataon si Pearl Denura na ipagpatuloy ang kanyang volleyball career matapos siyang kuhanin ng Cignal HD Spikers bilang free agent.
Si Denura, two-time UAAP champion libero mula National University, ay hindi napili sa 2025 PVL Rookie Draft, ngunit agad namang inaksyunan ng Cignal ang oportunidad.
Isinabay ang kanyang signing sa kontrata nina Erin Pangilinan at Jessa Ordiales, na mga top picks din mula sa NU at La Salle, ayon kay coach Shaq Delos Santos.
Kumpiyansa ito na magiging mahahalagang piraso ang mga rookies para sa pangmatagalang plano ng koponan.
Makakasama ni Denura ang dating kakampi sa NU na si Pangilinan, gayundin sina Bella Belen at Sheena Toring na parehong nasa iba’t ibang PVL teams.
Unang sasalang si Denura sa pro league sa June 22 laban sa Akari sa Vigan City, kung saan susubukan ng HD Spikers na simulan ang kampanya nila sa panibagong yugto ng PVL.JC/GP
