MANILA, Philippines – Nakuha ng mga nagtapos mula University of the Philippines ang lahat ng 10 spot sa August 2024 environmental planners licensure examination na ginanap ngayong buwan.
Ayon sa Professional Regulation Commission (PRC), 258 sa 348 test takers ang nakapasa sa pagsusulit na ibinigay ng Board of Environmental Planning sa test centers sa Metro Manila, Cebu, Davao, Iloilo at Lucena.
Nakuha ni Marco Antonino Amoranto Javier ng UP Diliman ang pinakamataas na score sa 84.30%.
Ang top performing school na may 30 o higit pang test takers na nakapasa ay ang UP Diliman, kung saan 59 sa 63 test takers nito ang nakapasa. RNT/JGC
