WASHINGTON, USA – Sinabi ni Benjamin Netanyahu nitong Linggo na nagkasundo sila ni Donald Trump na dapat tuluyang wakasan ng anumang pinal na kasunduan sa Iran ang umano’y “nuclear threat” nito.
Ayon kay Netanyahu, napag-usapan nila ito sa isang tawag noong Sabado ng gabi, na inilarawan naman ni Trump na “went very well.”
“President Trump and I agreed that any final agreement with Iran must eliminate the nuclear threat entirely. This means dismantling Iran’s uranium enrichment facilities and removing enriched nuclear material from its territory,” ayon kay Netanyahu.
“My policy, like that of President Trump, remains unchanged: Iran will not obtain nuclear weapons,” dagdag pa niya.
Napag-usapan din umano ng dalawang lider ang memorandum of understanding kaugnay ng muling pagbubukas ng Strait of Hormuz.
Ayon pa kay Netanyahu, muling tiniyak ni Trump ang suporta ng Amerika sa karapatan ng Israel na depensahan ang sarili laban sa mga banta, kabilang ang mga nagmumula sa Lebanon.
“The partnership between our two nations has been proven on the battlefield, and it has never been stronger,” sabi ni Netanyahu. RNT/MND
