Vendors Partylist, irerepresenta ni Diwata

MANILA, Philippines – Kakatawanin ng Vendors Partylist ang bawat maninindang Filipino matapos itong maghain ng Certificate of Acceptance at Nomination (CON-CAN) ngayong hapon ng Miyerkules, Oktubre 2.

Tatayong ika-apat na nominado si Deo Balbuena o mas kilala bilang ‘Diwata’ dahil sa kanyang Paresan.

Ayon kay Diwata, ang kanilang adbokasiya ay para iangat ang bawat maninindang Pilipino bsa kahirapan.

Magtatayo rin aniya sila ng kooperatiba para sa mga vendors bukod pa sa kailangang isaayos kanilang pagtitinda upang hindi na sila kung saan saan pa nagtitinda.

Sakaling matulog sa Kongreso, partikular na isusulong ng Vendors Partylist na hanapan ng maayos na puwesto para sa kanilang kabuhayan.

Base aniya sa kanyang karanasan sa social media, batid aniya kung paano siya makipaglaban kaya nang makilala ang Vendors Partylist ay hindi ito nag-atubili na sumama at tanggapin ang nominasyon.

Nang tanungin ng media kung magbibiga ba ito ng kanyang pares sa Kongreso, sinagot ito ni Diwata na “Oo naman bakit hindi kung gusto nila– may extra rice pa at libreng softdrinks.”

Si Diwata na unang pagkakataong sasabak sa pulitika ay mas nakilala sa social media dahil sa kanyang Paresan kung saan lagi itong itinataboy o pinapaalis sa kanyang pwesto hanggang siya ay tangkilikin ng publiko. Jocelyn Tabangcura-Domenden