MANILA, Philippines – Isinailalim sa yellow alert ang Visayas power grid nitong Huwebes ng hapon dahil sa kakulangan ng suplay ng kuryente, ayon sa National Grid Corporation of the Philippines (NGCP).
Sa advisory ng NGCP, ipinatupad ang alerto mula alas-3 ng hapon hanggang alas-10 ng gabi matapos ma-tripping ang Unit 2 ng 103-megawatt KEPCO SPC Power Corp. (KEPCO SPC Power Corp.), na lalo pang nagpababa sa available capacity ng grid.
Lalo pang naapektuhan ang suplay dahil sa forced outage ng Units 1 at 2 ng Therma Visayas, Inc. (Therma Visayas Inc.) at Unit 3 ng Panay Energy Development Corp. (Panay Energy Development Corp.).
Ayon sa NGCP, nasa humigit-kumulang 2,532 megawatts ang available capacity ng Visayas grid habang inaasahang aabot sa 2,388 megawatts ang peak demand.
Ibinibigay ang yellow alert kapag hindi sapat ang operating reserves upang matugunan ang mga posibleng contingency.
Iniulat din ng NGCP na ilang power plant ang nasa forced outage o bumaba ang kapasidad ng operasyon, na nagreresulta sa tinatayang 1,006.2 megawatts na hindi magagamit na suplay ng kuryente. Dave Baluyot
