MANILA, Philippines – Itinutulak ni Senador Francis “Kiko” Pangilinan ang Senate Bill No. 1841 o Private Education Voucher Expansion (PEVE) Act para magbigay ng pinansyal na tulong sa mga estudyanteng mula sa low- at middle-income households na nag-aaral sa pribadong paaralan.
Saklaw ng panukala ang mga mag-aaral mula kinder hanggang senior high na kailangan pumasok sa pribadong paaralan dahil sa sobrang dami ng estudyante sa pampublikong paaralan sa kanilang lugar. Mas mataas ang voucher para sa pinaka-mahihirap, batay sa Basic Education Assistance Council (BEAC).
Ayon kay Pangilinan, layunin ng batas na gawing permanente ang Private Basic Education Voucher Program, pagsamahin ang umiiral na tulong sa isang voucher-based system, at magbigay ng suporta sa guro at pribadong paaralan. Magtatatag rin ng Bureau of Private Education sa ilalim ng DepEd para pangasiwaan ang implementasyon at regulasyon ng programa.
“By strengthening public private partnership in basic education, this bill promotes equitable access, more efficient use of public resources, and improved education outcomes,” ani Pangilinan. RNT/MND
