MANILA, Philippines – Ikinokonsidera na ng defense team ni dating Pangulong Rodrigo Duterte na mag-move on at maghanda sa paglilitis, kaugnay sa mga pinakahuling desisyon ng International Criminal Court (ICC), ayon kay Vice President Sara Duterte.
Sinabi ni Duterte na inaasahan kasi niyang hindi na makakalusot ang kanyang ama sa gagawin ng ICC.
Sa panayam, sinabi nito na tanggap na niya ang desisyon ng ICC sa pagkumpirma ng hurisdiksyon nito sa dating pangulo na nahaharap sa mga reklamong crimes against humanity at ang pinakahuling confirmation ng mga reklamo ng crimes against humanity kaugnay sa madugong drug war nang alkalde pa ng Davao City at Pangulo ng Pilipinas ang kanyang ama.
“Well, I accepted it as it is,” ani VP Sara.
“Discussion din naman namin ng mga abogado. We don’t see any way that ICC will let go of the case of President Duterte. Since isa na lang ito sa dalawa na ICC cases. So we don’t think na they will let this go,” dagdag niya.
“Same lang na this will really go to trial. And the best way to move forward is to prepare for trial.”
Ang Bise Presidente ay nasa The Hague para bisitahin ang ama na naka-detain sa ICC Detention Center at naghihintay na litisin.
Samantala, nagpasalamat naman si VP Sara sa presensya ng mga tagasuporta nito.
“I wouldn’t say that I am happy to be back because of the situation of President Duterte. But I am happy to see all of you again,” she said, referring to the supporters present.
“Happy springtime. I am okay,” sinabi panito.
“We always pray for that. Halos araw-araw ‘yung dasal na sana makauwi na si President Duterte.” RNT/JGC
