MANILA, Philippines – Nakapagpiyansa na si Vice President Sara Duterte nitong Sabado, Setyembre 5, isang araw matapos ilabas ang arrest warrant laban sa kanya sa kasong grave threats.
Itinakda ng QC Regional Trial Court (RTC) Branch 98 ang piyansa sa P120,000 kada bilang.
Nakitaan ng korte ng sapat na batayan si Duterte para litisin, kung kaya’t naglabas ng arrest warrant laban dito.
Sa pagpunta ni Duterte nitong Sabado ng umaga sa korte sa QC, sinabi ni Duterte na pakiramdam niya ay hindi na siya ligtas.
“I have documented threats and harassment since 2023. I fear for my children. I do not feel they are safe if I am with them,” aniya.
“Umalis na nga ako kung nasaan mga anak ko para pumunta sa korte pero pumunta pa rin ang pulis,” dagdag ni Duterte.
“I do not feel safe. Pakiramdam ko papatayin nila ako.” RNT/JGC
