MANILA, Philippines – Inihayag ng Department of Foreign Affairs (DFA) nitong Martes, Mayo 7, na walang opisyal mula sa Marcos administration ang pumasok sa anumang kasunduan kasama ang pamahalaan ng China kaugnay sa Ayungin Shoal.
“The DFA wishes to emphasize that only the President of the Republic of the Philippines can approve or authorize agreements entered into by the Philippine Government on matters pertaining to the West Philippine Sea and South China Sea,” saad sa pahayag ng DFA.
“In this respect, the DFA can confirm that no Cabinet-level official of the Marcos administration has agreed to any Chinese proposal pertaining to the Ayungin Shoal,” dagdag pa nito.
Ipinanatili ng DFA na sa hanay ng pamahalaan ng Pilipinas, “no such document, record or deal exists, as purported by the Chinese Embassy.”
Kamakailan ay sinabi ng Chinese Embassy sa Manila na nakipagkasundo umano ang Armed Forces of the Philippines (AFP) Western Command (WESCOM) sa China ngayong taon para sa “new model” sa pamamahala sa sitwasyon sa Ayungin Shoal.
Sinabi pa na ang bagong modelong ito ay inaprubahan ng pamahalaan ng Pilipinas, kabilang ang Department of National Defense.
Nauna nang itinanggi ni Defense Secretary Gilbert Teodoro Jr. na sangkot ang DND sa anumang kasunduan sa China kaugnay sa “new model” sa Ayungin Shoal.
Itinanggi rin ng National Security Council (NSC) ang kaparehong pahayag ng Chinese Embassy at tinawag itong “absolutely absurd, ludicrous, and preposterous.” RNT/JGC
