Umakyat na sa halos P196 milyon ang jackpot prize ng GrandLotto 6/55 sa katatapos na draw kagabi makaraang wala pa rin may nakahula sa kumbinasyon nito.
Tumataginting na P195,879,359.60 ang jackpot prize kagabi na hindi nakuha ang kumbinayon na 25-27-28-35-29-53. Habang 21 indibidwal naman ang makakapag-uwi ng tig-P100,000.00 makaraang makuha nila ang lima sa anim na kumbinasyon.
Wala rin may nakahula sa kasabay na draw kagabi ng Lotto 6/42 na may kumbinasyon na 11-41-07-06-42-24 na jackpot prize na P5,490,000.00.
Matatandaan na nakuha ang jackpot prize ng Lotto 6/42 noong Augusto 15 ng isang maswerteng mananaya mula sa isang outlet sa Rizal Avenue, San Pablo City, Laguna na may kumbinasyon na 21-11-30-16-19-03 at may premyong P19,630,380.00.
Samantala, tinatayang aabot sa P15.8 milyon ang jackpot ng SuperLotto 6/49 habang nasa P96 milyon naman ang jackpot sa UltraLotto 6/58 na bobolahin mamayang gabi sa punong-tanggapan ng PCSO sa Mandaluyong City. Toto Nabaja
