MANILA, Philippines – Nanatiling prayoridad ng Department of Transportation (DOTr) ang pedestrian-oriented spaces tulad ng walkways, bicycle lanes sa aktibong transport infrastructure sa ilalim ng Marcos administration.
Sa pahayag, sinabi ng DOTr na non-motorized transport (NMT) gaya ng cycling at walking gayundin ang paggamit ng light electric vehicles (LEV) ay isinusulong alinsunod sa National Transport Policy (NTP) at Philippine Development Plan 2023-2028 (PDP).
Ito ay sa gitna ng matagal nang panawagan ng mga pampubliko at aktibong transport commuter na magkaroon ng mas magandang karanasan sa pag-commute sa pamamagitan ng pagsulong para sa pinalawak at mas ligtas na mga walkway at bike lanes, lalo na sa mga national roads.
Nauna nang sinabi ng Metropolitan Manila Development Authority na napapag-isipan na ang pagtanggal sa mga bicycle lanes sa EDSA at ikinokonsidera ang ekslusibong motorcycle lane dahil sa maliit na bilang ng mga gumagamit ng biskleta.
Ang bicycle lanes sa EDSA at iba pang thoroughfares ay karaniwan noong panahon ng pandemic lockdowns noong 2022 dahil lumipat sa cycling ang mga commuters bilang alternatibong mode of transport.
Sa ilalim ng NTP at PDP, ang pedestrians at NMTs ay ang mas prayoridad sa hierarchy ng mga gumagamit ng kalsada at nag-uutos sa gobyerno na unahin ang pagpapaunlad ng aktibong imprastraktura ng transportasyon.
“The program is expected to gain momentum after President Ferdinand Marcos Jr. announced that the national government should prioritize active transport facilities to promote healthier and more sustainable modes of travel,” sabi ng DOTr.
Tiniyak ng DOTr na ang aktibong programa sa transportasyon ay magpapatuloy kasama ang suporta mula sa Inter-Agency Technical Working Group for Active Transport at local governments. Jocelyn Tabangcura-Domenden
