Warehouse sa Marikina nasusunog!

MANILA, Philippines – Kasalukuyang nasusunog ang isang warehouse sa Barangay Malanday, Marikina City, ayon sa Bureau of Fire Protection (BFP).

Ang sunog ay nagsimula sa unang alarma bandang 11:21 ng umaga.

Agad itong itinaas sa ikalawang alarma pagsapit ng 11:32 ng umaga, at umabot sa ikatlong alarma bandang 11:52 ng umaga.

Wala pang iniulat na nasaktan o nasawi sa nagaganap na sunog.

Hindi pa naglalabas ng impormasyon ang BFP sa halaga ng pinsala sa nangyaring sunog. RNT/JGC