MANILA, Philippines – Nag-anunsyo ang North Luzon Expressway Corporation, Department of Public Works and Highways, at Metropolitan Manila Development Authority na magkakaroon ng mga road closures sa ilang bahagi ng Metro Manila na tatagal ng isang linggo hanggang isang buwan.
Sa anunsyo, sinabi ng NLEX na ang lane closures sa NLEX Balintawak mula Abril 25 hanggang Mayo 2, 2024 ay para magbigay-daan sa konstruksyon ng San Miguel Corporation sa Northern Access Link Expressway project malapit sa Balintawak Toll Plaza.
Ang pagsasara ng lane ng nasa 450 metro sa northbound at southbound directions Lane 1 (leftmose lane) at Lane 2 (middle lane) ay ipatutupad.
Narito ang schedule ng inaasahang road closures:
April 26, 10:00 p.m. – April 27, 4:00 p.m.
April 27, 9:00 p.m. – April 28, 2:00 p.m.
April 28, 8:00 p.m. – April 29, 4:00 a.m.
April 29, 8:00 p.m. – April 30, 5:00 a.m.
April 30, 8:00 p.m. – May 1, 5:00 a.m.
May 1, 8:00 p.m. – May 2, 5:00 a.m.
May 2, 8:00 p.m. – May 3, 5:00 a.m.
Samantala, sinabi ng MMDA na magsasagawa rin ng reblocking at repair ang DPWH sa mga sumusunod na kalsada nagsimula alas-11 ng gabi nitong Biyernes, Abril 26 at tatagal hanggang alas-5 ng umaga sa Abril 29.
Ito ay ang mga sumusunod na lugar:
Inaabisuhan ang mga motorista na maghanap ng alternatibong ruta.
Ang DPWH naman ay magpapatupad ng partial closure sa bahagi ng Loyola Street, northeast bound sa Sampaloc, Manila para sa drainage repairs simula Abril 27, 2024 hanggang Mayo 26, 2024.
“The drainage construction activities will start at the intersection of Loyola Street and Lacson Avenue (Northeast bound),12 linear meters from tapping of existing Lepanto-Gov. Forbes Drainage Main, and a width of 4.50 linear meters,” saad sa abiso.
Ang konstruksyon ay magpapatuloy hanggang sa intersection ng Lacson Avenue. RNT/JGC
