BAGAMAN “kinapos” sa pag-asinta sa ‘target’ na P959 bilyong koleksyon noong 2024, “pinaliguan” pa rin ng papuri ni Pangulong Bongbong Marcos ang Aduana (Bureau of Customs) sa okasyon ng ika-123 taon ng ahensya noong Biyernes, Pebrero 7 na ginanap sa Philippine International Convention Center.
Kung “babalansehin,” bagaman pangongolekta ng buwis ang pangunahing mandato ng BOC, kasinghalaga nito ang paglaban sa talamak pa ring ‘smuggling,’ partikular ng iligal na droga.
At sa mandatong ito, masasabi nating “siksik, liglig, at umaapaw,” ang ‘accomplishments’ ng BOC.
Noong 2024, lumabas na higit P85 bilyon ang halaga ng mga palusot na produkto (‘smuggled goods’) ang naharang at nakumpiska ng BOC– pinakamalaki sa kasaysayan ng Aduana at ng bansa.
Sa iligal na droga, bilyon-bilyon ang halaga ng ‘Shabu,’ ‘Cocaine’ at ‘Ecstasy’ ang nakumpiska ng BOC– hamak na mas malaki sa pinagsamang operasyon ng PDEA, PNP at NBI!
Ngayon lang din natin nakita na nagsisimula nang “mapilayan” ang sindikato ng mga “paihi” (fuel smuggling), partikular na sa Batangas, kung saan mistulang isa na itong ‘separate industry’ sa lawak at laki ng operasyon kaya, “kudos” sa buong Intelligence Group (IG) ni Depcomm. Juvymax Uy!
Pwede pang magawan ng “remedyo,” Finance Secretary Ralph Recto, ang “matamlay” na koleksyon ng buwis ng BOC. Pwede mo naman kasing “sabunin” si Comm. Rubio, hehehe!
‘But I know,’ wika nga, ‘that we can all agree that the harm done to our people and our society of smuggled illegal drugs may be irreparable.’ Walang remedyo.
Kaya nga, bagaman “sablay” sa koleksyon, “magaling” pa rin ang Aduana!
‘Happy anniversary,’ mga bossing!
