MANILA, Philippines – Sinabi ng Bureau of Immigration (BI) nitong Huwebes, Setyembre 5, na pinaghahanap pa rin ng mga awtoridad sa Indonesia si Wesley Guo, ang kapatid ni dismissed Bamban Mayor Alice Guo, sa pag-asang mapababalik din ito ng Pilipinas.
Ayon kay BI spokesperson Dana Sandoval, ang kanilang Indonesian counterparts ay “very helpful” at nakikipag-ugnayan ng Mabuti sa kanila kasunod ng pagkakaaresto kay Alice Guo sa Tangerang City nitong Miyerkules ng umaga.
“They pledged na ito ay matapos at maibalik itong si Mayor Alice Guo even ‘yung…kapatid niyang lalaki…si Wesley, ‘yun ay kasama rin sa mga mino-monitor nila at gusto rin nilang maibalik agad,” ani Sandoval sa panayam ng GMA News.
Sinabi ni Justice Secretary Jesus Crispin Remulla na hinihinala niyang ilan sa mga tauhan ng BI ang sangkot sa pag-alis nina Guo noong Hulyo. RNT/JGC
