MANILA, Philippines – Inilunsad ng World Health Organization (WHO) nitong Martes ang bagong platform na nagbibigay ng cost-free cancer medicines para sa libu-libong mga bata sa low-and middle-income countries upang mapabuti ang survival rates.
Sinabi ng WHO na ihahatid ang mga unang gamot sa Mongolia at Uzbekistan na may mga karagdagang planong shipments para sa Ecuador, Jordan, Nepal at Zambia, bilang bahagi ng pilot phase ng proyekto.
Ang mga paggamot ay inaasahang aabot sa humigit-kumulang 5,000 mga bata na may kanser sa taong ito sa hindi bababa sa 30 mga ospital sa naturang anim na bansa.
Sinabi ng WHO na ang mga survival rate ng kanser sa pagkabata sa mga bansang nasa low at middle-income countries ay kadalasang mababa sa 30 percent kumpara sa humigit-kumulang 80 percent sa mga bansang may mataas na kita.
Ang naturang anim na bansa ay naimbitahan na makilahok sa platform na umaasang maaabot ang 50 mga bansa sa sususnod na lima hanggang pitong taon sa pagbibigay ng gamot para sa tinatayang aabot sa 120,000 mga bata.
Tinatayang 400,000 bata sa buong mundo ang nagkakaroon ng cancer bawat taon, karamihan sa kanila ay naninirahan sa mga setting na limitado ang mapagkukunan, sinabi ng WHO.
Ayon sa WHO, ang platform ay nagsusumikap sa pagbuo ng sustainability nito s amas mahabang panahon. Magpapatuloy din ang cost-free provisions sa kabila ng pilot phase.
Unang inihayag ang planong itatag ang plaform noong Disyembre 2021.
Ito ay isang pinagsamang negosyo sa pagitan ng WHO at St. Jude Children’s Research Hospital sa Memphis, Tennessee sa Estados Unidos.
Ang non-profit na pediatric treatment at research institution ay nagbigay ng $200 milyon sa paglulunsad nito, sinabi ng WHO.
Ito ay isang joint enterprise sa pagitan ng WHO at St.Jude Children’s Research Hospotal sa Memphis,Tennessee sa Estados Unidos.
Sinabi ng WHO na ang non-profit na pediatric teatment at research institution ay nagbigay ng $200 milyon sa paglulunsad nito. (Jocelyn Tabangcura-Domenden)
