Xian, sumasawsaw sa Sandro issue, pinitik ang Kapuso!

Manila, Philippines – Umariba na naman ang self-proclaimed Pambansang Marites na si Xian Gaza.

May kinalaman ang pakikisawsaw ni Xian sa isyung kinasasangkutan ni Sandro, anak ni Niño Muhlach.

Ang isyu ngang ito sangkot ang dalawang network directors ang mainit na pinagpipistahan sa social media.

Having started as a blind item, ngayon nga’y pinangalanan na ang newbie bilang si Sandro.

Binanggit din ang idinaos na GMA Gala kamakallan kung saan naganap ang insidente.

Tinukoy na rin ang dalawang TV directors, pero mga kabilang pala sila sa creative staff ng mga drama shows sa GMA.

Ang mga ito’y sina Jojo Nones at Richard Dode.

Nabulabog na nga ang pamilya Muhlach, na inumpisahan ni Sandro sa kanyang cryptic post.

Sinundan ito ng pagbabanta ni Niño.

Nagsalita na rin ang tiyahin ni Sandro na kapatid ni Niño na si Angela.

Maging ang misis ni Niño na si Diana Tupaz ay nakisali na rin, na tinawag na mga “baboy” at “demonyo” ang gumawa ng kawalanghiyaan sa kanyang anak.

Nasa Senado na rin ang usapin at sinimulan na ni Senator Robinhood Padilla ang senate hearing ukol dito.

In the midst of this, kung kilala ng lahat si Xian Gaza’y imposibleng wala siyang “ambag” sa isyu.

Partikular niyang kinuwestyon ang pagtawag kina Nones at Dode bilang mga “independent contractors.”

Post ni Xian: “Pag nakagawa ng krimen, ang tawag ay ‘independent contractor.’ Pag nagbibigay ng karangalan sa istasyon, ang tawag ay ‘Kapuso’!”

Pinagtaasan din ng kilay ni Xian ang slogan ng GMA na “walang kinikilingan, walang pinoprotektahan” bilang ‘di naaangkop in the light of the issue.

Hinihintay ng publiko ang kahihinatnan ng kasong ito na idinulog na ni Niño sa kanyang abogado.

In the meantime, mas ikatutuwa ng mga netizens ang pananahimik ni Xian! Ronnie Carrasco III