MANILA, Philippines- Hindi dadalo si impeached President Yoon Suk Yeol ng South Korea sa unang hearing ng paglilitis upang matukoy kung matatanggal o ibabalik siya sa opisina, dahil sa alalahanin sa kanyang kaligtasan, ayon sa Yonhap News nitong Linggo, base umano sa kanyang abogado.
“The officials in the Corruption Investigation Office (CIO) and the police are trying to execute illegal and invalid arrest warrants through illegal methods, raising concerns about personal safety and mishaps,” anang abogadong si Yoon Kab-keun.
“In order for the president to appear for the trial, the issue of personal safety and security must be resolved.”
Kasado ang Constitutional Court hearing sa Martes.
Binabalak ng anti-graft office ang ikalawang pagtatangkang arestuhin si Yoon sa criminal probe sa palyadong pagpapatupad ng martial law noong Disyembre. RNT/SA