MANILA, Philippines- Magtatalaga ng 94 job fair sites sa buong pagdiriwang ng ika-122 Araw ng Paggawa ang Department of Labor and Employment (DOLE).
Sa isang abiso, sinabi ng Bureau of Local Employment (BLE) ng ahensya na ang mga job fair na magtatampok ng mga local at overseas employment opportunities ay gaganapin sa halos lahat ng rehiyon sa Mayo 1.
“DOLE is presenting a huge opportunity for all jobseekers. We will be conducting job fairs in 94 sites across the country. Come and participate in the job fair nearest you,” anang DOLE.
Sa National Capital Region, maaring magtungo ang mga aplikante sa San Andres Sports Complex sa Malate City, Quezon City Hall Walkway, SM City Novaliches sa Quezon City, SM City Fairview Quezon City, SM City North EDSA Quezon City, SM City Centerpoint sa Quezon City, SM Mall of Asia sa Pasay City, SM City Grand Central sa Caloocan City, SM City sa Valenzuela, Vista Mall sa Taguig, Parañaque Social Hall and Sports Complex, SM Southmall sa Las Piñas City, Robinsons Las Piñas, Robinsons Metro East sa Pasig City, Pateros Municipal Hall Quadrangle, at Ayala South Park sa Muntinlupa City.
Ang job fair sites naman sa Cordillera Administrative Region ay sa Baguio Convention Center, SM City Baguio, at DOLE Kalinga Field Office.
Sa Ilocos Region (Region 1), gaganapin ito sa Robinsons Ilocos sa Ilocos Norte, Provincial Farmers Livelihood Development Center sa Ilocos Sur, PNP Grandstand sa San Fernando City, Pangasinan Public Employment Service Office (PESO) sa Lingayen, CSI Atrium sa Dagupan City, at Magic Mall sa Urdaneta City.
Ang mga venue naman sa Cagayan Valley (Region 2) ay sa SM City Tuguegarao; Community Center sa Ilagan City; Robinsons Santiago; Ammungan Hall sa Nueva Vizcaya; Provincial Government Gymnasium sa Quirino; habang sa Central Luzon (Region 3), ito ay isasagawa sa Gymnatorium, Tarlac City; Aurora State College of Technology (ASCOT), Baler, Aurora; SM City Bataan; Mall Atrium, SM City San Jose Del Monte, Bulacan WalterMart, Cabanatuan City, Nueva Ecija; SM City Pampanga; SM City Olongapo Central, Zambales; Bataan People’s Center Provincial Compound, Balanga City, Bataan; Eduardo Cojuanco Jr. Gymnasium, Paniqui, Tarlac.
Sa Calabarzon (Region 4A), ang aktibidad ay gaganapin sa Robinsons Place General Trias sa Cavite, Lopez Municipal Covered Court sa Quezon, Batangas City Sports, Robinsons Place Antipolo sa Rizal, at Santa Rosa Integrated Terminal (SRIT), SM City Sta. Rosa, Laguna, habang sa MIMAROPA (Region 4B), ang job fairs ay gaganapin sa Municipal Gymnasium sa Oriental Mindoro at SM City Puerto Princesa sa Palawan.
Sa Bicol region (Region 5), ito ay aarangkada sa Ayala Malls sa Albay, SM City Daet sa Camarines Norte, Robinsons Place Naga sa Camarines Sur, Virac Town Center sa Catanduanes, Capitol Grounds sa Masbate City, at Provincial Capitol Gymnasium sa Sorsogon lungsod.
Sa Western Visayas (Rehiyon 6), ang mga site ay sa Robinsons Place Antique sa Antique, Robinsons Place sa Iloilo City, SM City Bacolod, Northwestern Visayan Colleges Gymnasium, Capitol Site, Kalibo, Aklan, Robinsons Place sa Roxas City, at Buenavista Gymnasium sa Guimaras; habang sa Central Visayas (Region 7) ay kasado ito sa Sports Complex sa Mandaue City, City Wing Atrium, SM Seaside City Cebu, Lamberto Macias Sports Complex sa Dumaguete City; habang sa Eastern Visayas (Region 8) naman, ito ay gaganapin sa Provincial Capitol Gym Province of Eastern Samar, Catarman Freedom Park Covered Court, Province of Northern Samar, Convention Center sa Tacloban City, Super Dome sa Ormoc City, Municipal Covered Court sa Samar, Eastern Samar State University-Borongan Campus, Maasin City Gym sa Southern Leyte, at Biliran Provincial Legislative Building.
Ang Mega Gymnasium, Dao, Pagadian City, Zamboanga del Sur Zamboanga del Norte Convention Center, Dipolog City Atrium, Capitol Building, Ipil, Zamboanga Sibugay, KCC Mall sa Zamboanga city, at Basilan National High School Auditorium ang mga lokasyon ng job fair sa Zamboanga Peninsula (Region 9), habang sa Northern Mindanao (Region 10), ito ay nasa Bukidnon State University sa Malaybalay City, People’s Gymnasium sa Tangub City, Covered Court Oroquieta City Central Elementary School Event Hall sa Cagayan de Oro City, Gaisano Tubod, Lanao del Norte, at St. Michael’s College sa Iligan City. Sa Davao Region (Region 11), ang site ay nasa SM City Davao, Gaisano Grand Mall Digos sa Davao Del Sur, at Gaisano Mall Tagum sa Davao del Norte.
Sa Soccsksargen (Region 12), sinabi ng DOLE na ang mga lokasyon ng job fair ay sa Poblacion Alabel sa Sarangani Province (Dropbox Job Fair), Convention and Events Center, KCC Mall of Gensan, Provincial Gymnasium sa Kidapawan City, Convention Center sa Koronadal City, at Pamahalaang Lungsod ng Tacurong Gymnasium, Sultan Kudarat (Drop Box Job Fair); Almont Hotel Inland Resort sa Butuan City, Provincial Capitol sa Dinagat Islands, City Hall sa Tandag City, City Hall sa Surigao City, at Provincial Capitol sa Agusan del Sur, lahat sa Caraga (Region 13). Jocelyn Tabangcura-Domenden
