10 lugar sa VisMin positibo sa toxic red tide

MANILA, Philippines- Natukoy ang paralytic shellfish poison (PSP) o toxic red tide na lampas sa regulatory limit sa 10 lugar sa Visayas at Mindanao, base sa Bureau of Fisheries and Aquatic Resources (BFAR).

Sa shellfish bulletin na may petsang Aug. 8, Huwebes, sinabi ng BFAR na natuklasan ang red tide toxins sa mga shellfish na nakolekta at sinuri mula sa mga sumusunod na lugar:

• Dumanquillas Bay sa Zamboanga del Sur

• coastal waters ng San Benito sa Surigao del Norte

• coastal waters ng Tungawan sa Zamboanga Sibugay

• coastal waters ng Daram Island sa Samar

• coastal waters ng Zumarraga Island sa Samar

• coastal waters ng Cambatutay Bay sa Samar

• Matarinao Bay sa Eastern Samar

• Cancabato Bay sa Leyte

• Irong-Irong Bay sa Samar  

• Villareal Bay sa Samar  

Nagbabala ang BFAR na lahat ng uri ng shellfish at Acetes sp. o alamang na nakuha mula sa mga nasabing lugar ay “not safe for human consumption.”

Samantala inihayag ng BFAR na ligtas kainin ang isda, pusit, hipon, at alimasag kung sariwa at hinugasang mabuti at tinanggalan ng lamang-loob bago ito lutuin. RNT/SA