CAMP OLIVAS, PAMPANGA- Inulat na matagumpay na naaresto ng mga awtoridad ang sampo sa mga Top 10 Regional Most Wanted Person (MWP) sa mga ikinasang serye ng manhunt operation ng pulisya sa unang linggo ngayon buwan ng Agosto sa iba’t-ibang lugar sa Gitnang Luzon.
Batay sa ulat kay Region 3 Police Director Brigadier General Jess Mendez, nasukol at aaresto ang mga suspek sa bisa ng Warrant of Arrest na inisyu ng korte sa magkakahiwalay na lugar sa rehiyon.
Kabilang sa mga kinasangkutan kaso ng mga suspek ay gaya ng Statutory at Qualified Rape, kidnapping at illegal drugs.
Nasa kustodiya na nang pulisya ang mga naarestong suspek para sa dokumentasyon at tamang disposisyon. ROEL TARAYAO
