Home NATIONWIDE 11 vape brands suspendido sa packaging violations

11 vape brands suspendido sa packaging violations

MANILA, Philippines- Sinuspinde ng Department of Trade and Industry (DTI) ang pagbebenta, paggawa at distribusyon ng 11 vape brands dahil sa kabiguang nakasunod sa packaging requirements na inaatas ng batas.

Ayon sa DTI, isang preliminary order ang inisyu sa mga manufacturer at importer ng vape brands, na sinuspinde ang mga ito sa “manufacturing, importing, distributing, selling, at pag-promote” ng lahat ng kanilang vaporized nicotine at non-nicotine products.

Ang preliminary order ay may bisa at epektibo hanggang sa maibigay at/o maging pinal ang desisyon sa pormal na singil, sabi ng DTI sa isang pahayag nitong Miyerkules.

Ang mga sumususnod na vape brands, manufacturers, at importers ang suspendido, ayon sa DTI:

  • Boss Nevoks Bar (Shenzhen Nevoks Technology Co., Ltd. & 2229 Non Specialized Wholesale Trading)

  • Classico (Mr. O’s Liquido Opc)

  • Juliette (Sacredvapors Corporation)

  • Kingz Evo (VIP Bros Incorporated)

  • Lost Mary (ZCrew International Inc. & Dongguan Airv Technology Co., Ltd)

  • Pastry Vapors (VIP Bros Incorporated, doing business under the name and style of Pastry Vapors Vape Juice Manufacturing)

  • Sky Rocket Elite (Wang Dao Technology (Shenzhen) Co., Ltd. & Sky Rocket Philippines)

  • Smug (Shenzhen Smug Vape Technology Co., Ltd. & Semba Trading Corporation)

  • Steep N’ Drip Dripbar (Steep and Drip Manufacturing Corp.)

  • Viscocity (Viscocity Consumer Electronics Trading Corporation)

  • Wicked (Wang Dao Technology (Shenzhen) Co., Ltd. & WKD Ltd.)

Ang nasabing mga brand at kompanya ay lumabag sa Section 4(d) ng Republic Act (RA) No. 11900 o mas kilala bilang Vape Law na nag-uutos ng fiscal marking at tamang packaging para sa mga produktong vape na ginawa o inaangkat sa Pilipinas. Jocelyn Tabangcura-Domenden