Home NATIONWIDE Tsina nanindigan sa presensya ng barko sa WPS, hirit sa Pinas: ‘False...

Tsina nanindigan sa presensya ng barko sa WPS, hirit sa Pinas: ‘False accusations’ tigilan

MANILA, Philippines- Hiniling ng Chinese Foreign Ministry spokesperson sa gobyerno na Pilipinas na itigil na ang “false accusations” kaugnay sa Chinese activities sa West Philippine Sea (WPS).

Binigyang-diin nitong ang presensya ng umano’y “monster ship” mula sa China sa pinagtatalunang katubigan ay “fully justified.”

Ito ang tugon ni China Foreign Ministry Spokesperson Guo Jiakun sa naging pahayag ni National Security Council spokesperson Jonathan Malaya ukol sa “increasing aggression” ng Tsina sa pagpapadala sa 541-feet long Chinese coastguard vessel 5901, na tinukoy ng Pilipinas bilang isang “monster ship.”

“China Coast Guard (CCG) conducts patrols and law enforcement activities in relevant waters in accordance with the law, which is fully justified,” ang sinabi ni Guo.

“We call on the Philippines once again to immediately stop all infringement activities, provocations and false accusations, and stop all its actions that jeopardize peace and stability and complicate the situation in the South China Sea,” dagdag na wika nito.

Para naman kay Malaya, ang pinakabagong aksyon ng Tsina ay “provocative,” “illegal,” at “unacceptable.”

Ito ang dahilan kaya’t naghain ng protesta ang Pilipinas hinggil sa presensya ng monster ship.

Subalit, iginiit ni Guo ang “sovereignty and rights and interests in the South China Sea were established in the long course of history,” ng Tsina.

Iginiit din na ang pag-angkin “are solidly grounded in history and the law and compliant with the international law and practice.”

Hindi naman kaila sa lahat ang umiigting na tensyon sa pagitan g Pilipinas at Tsina sa nakalipas na dalawang taon matapos magkaroon ng ‘friendlier stance’ ang administrasyong Duterte sa Beijing. Kris Jose