13-anyos ginahasa saka pinatay; bangkay natagpuan sa ilalim ng altar sa Leyte

MANILA, Philippines – Natagpuang patay at hinihinalang ginahasa ang isang 13-anyos na babae sa ilalim ng altar ng kapilya sa Baybay City, Leyte.

Nahuli ang 37-anyos na suspek sa follow-up operation, kung saan nadiskubreng may dating kasong attempted rape noong 2022.

Nakuha sa suspek ang cellphone ng biktima. Ayon sa pulisya, naging posible ang pag-aresto dahil sa koordinasyon ng awtoridad at komunidad.

Ito na ang ikaapat na kaso ng pagpatay at panggagahasa sa loob ng isang linggo.

Ilang araw bago nito, natagpuan ang bangkay ng isang turistang Slovak sa Boracay, isang 10-anyos na bata sa Camarines Sur, at isang pitong taong gulang na batang babae sa Butuan City.

Naaresto na ang mga suspek sa mga kaso sa Butuan at Camarines Sur, habang nasa kustodiya na rin ng pulisya ang dalawa sa tatlong persons of interest sa Boracay. Isa sa kanila ang umamin sa krimen. Santi Celario