15 ‘adiktus’ timbog sa kaliwat-kanang buy-bust sa Bulacan

Bulacan – Arestado ang 15 indibiduwal matapos umanong mahulihan ng P351,500 halaga ng iligal na droga sa magkakahiwalay na buy-bust operation ng pulisya sa lalawigang ito.

Sa report kay Bulacan Police director PCOL Satur Ediong, ikinasa ang operasyon ng Malolos, Meycauayan, San Jose Del Monte, Santa Maria, San Miguel, San Rafael, Obando at Bustos police station nitong Marso 12.

Ayon sa report, nakumpiska ang kabuuang 53 plastic sachets na pinaghihinalaang shabu na may estimated value na P351,500 mga paraphernalia at buy-bust money.

Nahaharap sa kaukulang kaso ang mga hindi pinangalanang suspek habang nakakulong sa istasyong humuli sa kanila.

Sinasabing puspusang ang kaliwat-kanang operasyon ng pulisya kontra iligal na droga, at iligal na armas para mapanatili ang katahimikan at kaayusan sa lalawigan kaugnay sa papalapit na eleksyon. (Dick Mirasol III)