MANILA, Philippines – Nakakuha ang Anti-Money Laundering Council (AMLC) ng 15 freeze orders na sumasaklaw sa mga ari-arian na nagkakahalaga ng P22.869 bilyon kaugnay sa maanomalyang flood control projects.
Ayon sa ulat, saklaw ng freeze orders ang 724 indibidwal at 537 entidad tulad ng mga construction company.
Narito ang breakdown ng P22.8 bilyon:
P14 bilyon* (6,692 bank accounts)
P4.8 bilyon* (10 air assets)
P2.1 bilyon* (161 real estate properties)
P902.1 milyon* (iba pang investments)
P490 milyon* (394 insurance accounts)
P445.2 milyon* (229 motor vehicles)
P400,639* (16 e-wallet accounts)
Posible umanong maghain ang AMLC ng forfeiture case para sa pagsasauli ng mga ari-arian makalipas ang anim na buwan.
Nagsimula ang imbestigasyon sa maanomalyang flood control projects matapos ibunyag ni Pangulong Ferdinand Marcos Jr. na 20% ng kabuuang P545 bilyon na budget ay iginawad sa 15 contractor lamang. Jocelyn Tabangcura-Domenden
