MANILA, Philippines – Nakapagligtas ng nasa 154 milyong buhay sa nakalipas na 50 taon ang global immunization efforts o pagbabakuna, sinabi ng World Health Organization nitong Miyerkules, Abril 24.
Katumbas ito ng anim na buhay na naililigtas sa bawat minuto ng bawat taon.
Sa pag-aaral na inilathala ng Lancet, nagbigay ang WHO ng komprehensibong analysis sa epekto ng 14 na bakuna na ginamit sa ilalim ng Expanded Program on Immunization (EPI), na magdiriwang ng ika-50 anibersaryo sa susunod na buwan.
Nagpasalamat si WHO chief Tedros Adhanom Ghebreyesus sa mga bakuna, “a child born today is 40 percent more likely to see their fifth birthday than a child born 50 years ago.”
“Vaccines are among the most powerful inventions in history, making once-feared diseases preventable,” dagdag pa niya.
“Smallpox has been eradicated, polio is on the brink, and with the more recent development of vaccines against diseases like malaria and cervical cancer, we are pushing back the frontiers of disease.”
Sa mga sanggol naman ay nasa 101 milyong buhay ang nailigta sa immunization efforts sa nakalipas na limang dekada.
“Immunization was the single greatest contribution of any health intervention to ensuring babies not only see their first birthdays but continue leading healthy lives into adulthood,” ayon sa WHO.
Sa nakalipas na 50 taon, ang mga bakuna laban sa 14 na sakit, ang diphtheria, Haemophilus influenzae type B, hepatitis B, Japanese encephalitis, measles, meningitis A, pertussis, invasive pneumococcal disease, polio, rotavirus, rubella, tetanus, tuberculosis and yellow fever, ang direktang nakapag-ambag sa pagbaba ng infant deaths ng 40%.
Sa Afrida, ang pagbaba sa infant mortality ay mahigit 50%.
