MANILA, Philippines – Kinumpirma ng Civil Aviation Authority of the Philippines (CAAP) nitong Lunes, Abril 20 na nagsagawa ng emergency diversion ang PAL Express flight patungong Manila sa Iloilo dahil sa pressurization issue.
Sa pahayag, sinabi ng CAAP na ang Flight GAP2544, na mula Dumaguete, ay nakaranas ng problema nitong hapon ng Linggo, Abril 19.
Bilang pag-iingat ay nagdeklara ng emergency ang crew at nagdesisyong lumapag sa Iloilo International Airport.
Ligtas na lumapag ang eroplano bandang 4:27 ng hapon.
“All 175 passengers on board, including three infants, disembarked safely,” ayon sa CAAP.
“Several passengers requested for medical assistance, who were promptly attended to by airport medical personnel,” dagdag pa.
Mahigpit na minomonitor ng CAAP ang sitwasyon at nakikipag-ugnayan sa airline.
“Reports indicate that the oxygen supply in the cabin was insufficient after the aircraft reached its cruising altitude of 32,000 ft,” saad sa abiso ng PAL matapos ang insidente. RNT/JGC
