MANILA, Philippines – Inaasahan ng Philippine Ports Authority (PPA) na umabot sa 2.2 milyon ang pasahero sa mga pantalan sa buong bansa mula Oktubre 27 hanggang Nobyembre 5 para sa Araw ng mga Santo at Araw ng mga Kaluluwa, 300,000 na mas mataas kumpara noong nakaraang taon.
Inspeksyon nina PPA General Manager Jay Santiago at Acting Transportation Secretary Giovanni Lopez ang Batangas Port upang matiyak na handa ang pasilidad at operasyon para sa dami ng pasahero.
“PPA aims to ensure a safe, smooth, and comfortable journey for every passenger this Undas. Our staff is wholeheartedly prepared to provide honest and quality service to our countrymen,” ani Santiago.
Sinuspinde ang lahat ng leave ng empleyado upang masiguro ang maayos na operasyon ng pantalan. Nakikipag-ugnayan din ang PPA sa Philippine Coast Guard at PNP Maritime Group para sa kaligtasan ng pasahero, at available ang Malasakit Help Desks 24/7.
Pinayuhan din ang mga pasahero na maging maingat sa mga mapanlinlang na ticket sellers at bawal na dalhin na gamit. Dave Baluyot
