MANILA, Philippines – Nagsagip ang National Bureau of Investigation (NBI) ng dalawang babaeng Vietnamese mula sa umano’y sex trafficking operation na pinamumunuan ng isang dayuhang sindikato sa Lungsod ng Pasay.
Ayon kay NBI Acting Director Angelito DLP. Magno, nasagip ang mga biktima noong Enero 22 sa isang luxury hotel ng Human Trafficking Division (HTRAD) ng NBI. Kasalukuyang isinasagawa ng NBI ang mga follow-up operations upang matukoy at mahuli ang mga organizer ng sindikato.
“This operation highlights the evolving nature of human trafficking, where syndicates use technology to hide in plain sight,” ani Magno.
Iniulat na ginagamit ng sindikato ang encrypted messaging platforms para i-advertise ang sexual services ng mga babaeng Vietnamese, Chinese, at Japanese.
Matapos makatanggap ng intelligence reports, nagsagawa ang HTRAD ng technical surveillance, kabilang ang pagmamanman sa mga illegal transaction at hotel reservations.
“At a luxury hotel, HTRAD agents observed two women matching the victims’ digital profiles arriving at the scene. Upon a predetermined signal, the team executed the operation and successfully secured the two victims,” ayon sa NBI.
Walang miyembro ng sindikato na naroroon sa oras ng rescue, ngunit nakumpiska ang ilang mobile devices na ginagamit sa komunikasyon at bookings. Dave Baluyot
