MANILA, Philippines – Dalawang bangkay ng lalaki ang natagpuan sa magkahiwalay na insidente sa Dasmariñas City, Cavite.
Unang natagpuan ang isang bangkay bandang 8:30 ng umaga sa Molino Paliparan Road, Brgy. Salawag. Naka-itim na sando, blue na short, at itim na sapatos ang biktima.
Samantala, bandang 7:00 ng gabi, isa pang bangkay ng lalaki ang nakita sa isang tubuhan sa Sitio Kubuhan, Brgy. Paliparan 3. Nakasuot ito ng navy blue na short at itim na t-shirt.
Walang nakitang sugat o tama ng bala sa katawan ng mga biktima.
Patuloy ang imbestigasyon ng pulisya, kabilang ang pag-backtrack sa CCTV para matukoy ang kanilang pagkakakilanlan. Margie Bautista
