MANILA, Philippines – Arestado ang dalawang dayuhang malakas man-trip matapos na tutukan ng baril sa Pasay City.
“Nagti-trip trip sila, very alarming nga eh, ‘yung ganon,” ani Police Major James Ralph Naval, hepe ng Sub-station 10 ng Pasay City Police na nagsabing lasing ang mga suspek.
Nadakip ang dalawang dayuhan base na rin sa sumbong ng isang saksi.
“Nalaman natin ung description, hinabol po ng mga pulis natin and ‘yun, upon verification nakitaan po sila ng baril at tsaka po ng kutsilyo,” ani Naval.
Patuloy na inaalam ng pulisya ang background ng mga suspek at kung saan sila nakakuha ng hindi lisensyadong baril. RNT
