MANILA, Philippines – Naitala ng Davao City ang 94 kaso ng leptospirosis mula noong nakaraang taon, kung saan 25 ang nasawi.
Nagbabala ang City Health Office sa mga residente tungkol sa mas mataas na panganib ngayong tag-ulan at nagbibigay ng libreng post-exposure prophylaxis sa lahat ng barangay at district health centers.
Payo ni Dr. Sofia Corazon Zafra na ang mga nalantad sa baha ay maghugas nang maigi at agad magtungo sa health center sa loob ng 24 oras para mabigyan ng tamang gamot.
Binanggit niya na maaari pa ring magkasakit kahit walang nakikitang sugat at pinayuhan ang publiko na huwag mag-self medicate. RNT
