MANILA, Philippines- Inihayag ng Bureau of Immigration (BI) na naghahanap sila ng 25 bagong Immigration Officer na ide-deploy sa international airports.
Nabatid sa BI na ang mga mapipili ay ide-deploy sa Ninoy Aquino International Airport (NAIA) at Mactan-Cebu International Airport (MCIA).
“This recruitment supports the President’s call to professionalize and strengthen our border control efforts,” ayon kay BI Commissioner Joel Anthony Viado.
“We are opening our doors to qualified Filipinos who want to serve the country and help ensure that our ports of entry are secure, efficient, and welcoming,” dagdag pa nito.
Sinabi ni Viado na ang nasabing inisyatiba ay kasunod ng pagdagdag ng international travel, na nangangailangan ng mga sinanay na personnel upang matiyak ang episyenteng pagpoproseso ng mga pasahero.
Hinikayat nito ang mga aplikante na sumama sa pagdadagdag ng nga propesyunal sa ahensya kung saan ang ahensya ay nagpapatuloy sa kanilang pagmodernisa ng operasyon.
“We need committed men and women who are ready to serve with integrity and competence,” ayon kay Viado . “Be part of the future of the BI, as we move towards the Bagong Immigration vision in line with the President’s Bagong Pilipinas,” dagdag pa ng opisyal.
Ang pahayag ay kasunod ng pagtatapos ng 29 bagong Immigration personnel nitong Hunyo 2 pagkatapos ng kanilang pagsasanay sa immigration law, border enforcement, at ethical public service.
Ang mga aplikante ay maaring magsumite online sa pamagitan ng BI official careers portal sa careers.immigration.gov.ph. JR Reyes
