MANILA, Philippines – Inaresto ang tatlong hinihinalang illegal recruiters sa kanilang pagbabalik sa Pilipinas, kasama ang pitong repatriated na OFWs mula sa Myanmar.
Gumamit ang mga suspek ng mga alyas tulad ng “Miss Anne” at “Bryan” upang mag-recruit sa pamamagitan ng social media para sa mga trabaho bilang customer service representatives sa Thailand.
Ngunit sa halip na sa Thailand, dinala ang mga biktima sa Myanmar at pinilit magtrabaho bilang online scammers.
Matapos ang inquest proceedings, ikinulong ang mga recruiters sa NBI.
Magbibigay ang Department of Migrant Workers (DMW) ng tulong sa mga biktima, kabilang ang pinansyal at psychosocial na suporta, at hinihikayat ang iba pang biktima na mag-ulat upang makakuha ng libreng legal na tulong. RNT
