MANILA, Philippines – TATLONG pangunahing proyekto ang nilagdaan ni Pangulong Ferdinand R. Marcos Jr. para mapabuti ang buhay ng mga Filipino.
“The draft minutes of the 14th NEDA Board meeting held 27 February 2024 are approved,” ayon kay Pangulong Marcos, chairman ng National Economic and Development Authority (NEDA) Board, sa isang miting sa Palasyo ng Malakanyang, araw ng Huwebes.
Ang unang agenda ay ang kahilingan na rebisyon o baguhin ang inaprubahang parametro, terms, and conditions ng University of the Philippines-Philippine General Hospital (UP-PGH) Cancer Center Public-Private Partnership (PPP) Project.
Sa kabilang dako, ang dalawang iba pang agenda ay ang NEDA Board-Investment Coordination Committee Guidelines on the Review at Approval of National PPP Proposals, at ang Basic Education Plan 2030 at MATATAG Agenda ng DepEd.
Sa pag-apruba sa unang agenda, sinabi ng Pangulo na mahalaga na matiyak na makakapasok ang pasyente at magagamit nito ang mga pasilidad ng ospital.
“As a PPP, it seems to be good. I mean, it’s a major change from the original, but if the viability of the project maintains then I think, it will be, it’s a reasonable change to make as along as we can – it’s still, as I said, economically viable both for the government and for the private sector,” ayon kay Pangulong Marcos.
Binigyang-diin din ng Pangulo ang kahalagahan ng pangalawang panukala, o ang NEDA Board-Investment Coordination Committee Guidelines on the Review at Approval of National PPP Proposals kung saan binigyang-diin niya na walang anumang policy changes sa mga bagay na ginagawa ngayon ng gobyerno.
“I think, in fact, in my view, it’s necessary to do this if we are going to comply with our own rules and regulations, and with our own internal rules and regulations. So yes, I think that it is a pretty straightforward unless anyone else has some questions concerning this,” ayon sa Pangulo.
Ukol naman sa Education Development Plan 2030 at “MATATAG Agenda” ng DepEd, walang anumang pagkontra ang Pangulo rito, binigyang-diin na inaprubahan ang mga ito ng NEDA Board “as a national policy and plan for basic education in the Philippines.”
Samantala, dumalo naman si Vice President Sara Duterte, bilang Kalihim ng DepEd sa miting at ipinresenta ang Education Development Plan 2030 at ang “MATATAG Agenda” sa harap ng mga miyembro ng NEDA board sa pangunguna ni Pangulong Marcos. Kris Jose
