MANILA, Philippiens – Tatlo ang nasugatan nang bumangga ang isang puting Geely SUV sa ilang naka-park na motorsiklo sa Marilaque Highway sa Baras, Rizal, noong Nobyembre 2, ayon sa pulisya. Ang 39-anyos na driver mula Manila ay bumangga sa mga motorsiklo sa hindi pa malinaw na dahilan habang patungo sa Tanay.
Dahil sa banggaan, nahulog ang anim na motorsiklo at tumama sa tatlong babaeng pasahero. Dinala sila sa Quirino Memorial Hospital sa Quezon City para gamutin. Ang mga rider ng motorsiklo ay hindi nasaktan.
Ang driver ng SUV ay nasa kustodiya ng pulisya at posibleng kasuhan ng reckless imprudence na nagdulot ng pisikal na pinsala at pagkasira ng ari-arian. Pinaalalahanan ng awtoridad ang mga motorista na mag-ingat sa Marilaque, isang area na madalas magkaroon ng aksidente. RNT
