Home METRO 31 PDL sa Leyte posibleng gawaran ng parole

31 PDL sa Leyte posibleng gawaran ng parole

MANILA, Philippines- Posibleng mapalaya na ang 31 Persons Deprived of Liberty (PDLs) sa Leyte Regional Prisons.

Ayon sa Bureau of Corrections (BuCor), sumailalim na sa interview at evaluation ang 31 PDL para sa posibleng pagkakaloob sa kanila ng parole.

Ang parole ang conditional release ng PDL na nakapagsilbi na ng minimum sentence.

Isinagawa ng Department of Justice-Parole and Probation Administration (DOJ-PPA) Regional Office VIII ang interviews at evaluations sa pangunguna ni Chief Probation Officer Jo Ann A. Dacera.

Layon ng assessment na masiguro na makatutugon ang PDL sa kinakailangang legal at behavioral criteria bago bigyan ng parole.

“By conducting these pre-parole evaluations, the DOJ-PPA aims to strengthen its commitment to justice, rehabilitation, and public safety.” Teresa Tavares